Interviews over het innovatietraject: Coos Veltman

Enquête en bijeenkomsten over toekomst kaatssport
Binnen het innovatietraject van de KNKB zijn zes domeinen vastgesteld: wedstrijdagenda/competitievorm, het kaatsspel, het materiaal, media en communicatie, opleiding/training en bestuur en organisatie. Op verschillende terreinen worden stappen voorwaarts gezet. Tijdens de Algemene Ledenvergadering op 2 april ging Veltman ook al kortstondig in op de toekomst van de kaatssport en het daarbij te hanteren tijdspad. Komend najaar wordt een grote enquête uitgezet onder alle KNKB-leden. Daarnaast worden verschillende bijeenkomsten georganiseerd om de discussie verder op gang te helpen. 

In dit interview neemt Veltman alvast een schot voor de boeg. ,,Wy wolle dizze simmer ek brûke om in stik as wat ferhalen te publisearjen oer de takomst fan it keatsen. Dan kinne minsken der alfêst mei elkoar oer yn petear. Sa’t ik op ‘e ledegearkomste ek al sei: wy lústerje net altiten mear goed nei elkoar. De wrâld is polarisearre. Besykje no ris – seker as it om keatsen giet – foaral nei elkoar te lústerjen. Geandewei it jier sille wy in oantal saken by ús leden del lizze. We freegje harren om der oer nei te tinken en om mei oaren hjiroer yn petear te gean. Op dy wize kin eltsenien in miening foarmje.’’

Wanneer kunnen KNKB-leden de resultaten van de enquête verwachten?
„Nei de byienkomsten en enkête wolle wy kommende winter it skepnet ophelje. De risseltaten kinne wy dan yn it foarjier sjen litte. Ik wit noch net oft dat al slagget by de regiobyienkomsten yn febrewaris. En op ‘e ledegearkomste fan 2026 sille hjir ek noch gjin foarstellen oer dien wurde, lit stean besluten oer naam wurde. Yn it neijier fan 2026 witte wy hoe’t it der út komt te sjen en ha wy de kontoeren klear. We wolle dat dwaan yn oparbeidzjen mei de keatswrâld.”

Wat moet er in jouw optiek veranderen?
,,Wy ha bepaalde ideeën oer hokker kant it út moat. Der binne yn it ferline ek ferskate ûndersiken nei west. Mar neat leit fêst. Nim bygelyks de aginda. It keatsen is in oanbod-rjochte sport. Ferline jier stienen der in protte jeugdwedstriden op it programma. Lang net alle partijen binne goed besocht. Guon partijen waarden skrast. Dat moatte wy oars organisearje. Wêr is fraach nei? Dat witte wy eins net en dêr freegje wy ek net nei. De aginda wurdt fêststeld en wy geane der mar fan út dat de keatsers der altyd binne. As dat net sa is binne ferienings teloarsteld. Op ‘e haadklasse steane somtiden trije partijen yn ‘e wike op it programma. We sjogge ek dat keatsers ophâlde troch it drokke programma, dêrneist is it in swiere belêsting en wolle we blessueres eins sa folle mooglik foarkomme.’’

Wat is het doel van het innovatietraject? 
,,Feroarings moatte der ta liede dat it keatsen leuker wurdt foar keatsers en publyk. De sneinspartijen ha oer publike belangstelling net te kleien. Op de sneons is dat meastentiids in oar ferhaal. Alle keatsers soene boppedat lid wêze moatte fan de KNKB. Dat is no net sa. Wy wolle dat alle ferienings harren by ús oanslute. Wy moatte it keatsen mei ús allen yn stân hâlde. Sûnder keatsbûn ha wy gjin keatsen mear. Wy ha as KNKB in factsheet makke wêrop wy útlizze wat wy foar ferienings betsjutte kinne. Sommige net-oansluten ferienings wolle gjin partijen organisearje en bûnsôfdracht betelje. It organisearjen fan KNKB-partijen hoecht net beslist. Mar hoe kinst in feriening wêze sûnder partijen te organisearjen? De ôfdracht moat it probleem ek net wêze, tink ik. Dat bedrach wurdt troch guon minsken al bestege by de neisit fan ien partij. Wy binne wiis mei ferienings as Joure en Jobbegea, dy’t harren oansluten hawwe. Yn de súdlike wâlden wurdt in protte keatst. Wy soenen it moai fine as dit tenei ûnder de flagge fan it keatsbûn bart.’’

Wanneer is deze missie geslaagd?
„It lede-oantal fan de KNKB seit my net alles. Der wurdt in protte keatst. Mar der fâlt foar ús noch wol wat te winnen. Dat is absolút in oandachtspunt. Keatsen moat in leuke sport wêze foar de jeugd. It moat oansprekke om te keatsen. ‘Dêr wol ik by wêze’, dat moat it idee wêze. Moatst de jeugd op it keatsfjild sjen te krijen. Dêr begjint it mei. Ast de bern op it fjild hast, moatst se beet hâlde kinne. Eins soene alle bern yn Fryslân witte moatte wat keatsen is en soene se it ek ris spylje moatten hawwe. Dat slagget miskien net yn Appelskea, mar wol yn plakken as Snits en Balk.’’

Hoe realiseer je dat?
„Wy ha in enoarm potinsjeel yn de keatshoeke. Elts doarp dat himsels respektearret hat in eigen fjild mei in kantine. Yn guon doarpen is keatsen de iennige sport. Foarhinne begûn it keatsen by de skoalmaster. Wy libje yn in tiid mei minder skoallen en jeugd. Mar it keatsfjild bliuwt in moai plak dêr’t minsken elkoar moetsje kinne. Kinst in protte dwaan om minsken te berikken en yn beweging komme te litten. Net allinnich jeugd mar ek de âlderein. Dan hast fuort ek kader te pakken. Der sille altyd keatsers hingjen bliuwe. Dan moatst de ynfrakstruktuur op oarder hawwe om der opfolging oan jaan te kinnen en ek útstriele dat keatsen leuk is om te dwaan. Net foar neat ha wy by de KNKB -media no in oantal jonge minsken dy’t leuke filmkes meitsje oer it keatsen. Us regiocoaches kinne dêr ek by helpe om bern wer op it fjild te krijen. Sommige ferienings ha dêrtroch wer 20 bern op it fjild.’’

Staan we voor een revolutie in kaatsland?
„Dat wit ik net, mar it soe wol ris kinne. As jo dogge wat jo dien hawwe, krije jo wat jo krigen hawwe. Hoe’t wy it no dogge mei ús allen is oan feroarings ta. It is net oan my of oan it bestjoer om der beslissings troch te drukken. Wy binne in lytse sport. Der moat konsensus plakfine. Mar wy wolle al saken beneame en op tafel krije. Wy rinne tsjin in oantal saken oan. Der binne útdagings genôch. Lokkich binne der dit jier wer wat mear rankingpartoeren. Mar ferline jier hiene wy wat dat oanbelanget wol in djiptepunt. Wylde partijen rinne bêst. Dêr gean in protte keatsers hinne en dat is ek prima. Mar wy moatte der al foar soargje dat de wedstrydsport ek bestean bliuwt.’’

Kun je een tipje van de sluier oplichten van mogelijke veranderingen waar binnen het innovatietraject aan wordt gedacht?
,,As it oan my leit dan helje wy net alles oer de kop. De klassikers, de NK’s en de merkepartijen op snein; it binne fêste hichtepunten dy’t goed rinne. Mar wy moatte ek sjen nei it oantal partijen en de ferdieling. Wy begjinne rêstich, mar ha dan ynienen in hiele drokke perioade. De animo op de sneon falt net mei. Troch te sjen nei oare kompetysjefoarmen wolle wy dêr wat oan dwaan. Sa binne der wol mear saken dêr’t we kritysk nei sjogge.’’

Waar doel je dan op?
„Eltsenien moat keatse kinne. Wy ha in ienlingenbelied makke om dêr oan te foldwaan. Mar wy ha der in protte wurk fan. Wy wolle it keatsen mei in protte regels sa earlik mooglik meitsje. Ienlingen út bepaalde doarpen kinne no út wol acht ferskate ferienings kieze. Dat is oars ast tsjin de seedyk oan wennest. Kinst it net foar eltsenien goed dwaan, mar dat wolst fansels al en dat wurdt ek ferwachte. Miskien moatte wy it ienlingenbelied wol hielendal loslitte. Yn gjin enkele sport is it sa dat je útkomme moatte foar it doarp dêr’t je wenje. Wat my oanbelanget stelle wy dit belied ter diskusje. Besjoch it mar ris. Wurde ôfdielingspartijen dan heale frije formaasjepartijen? Ik tink dat it wol wat tafalle sil. Wy freegje ús meastentiids ôf wat der mis gean kin. Dat is in konservative hâlding. Ik tink dat it wol it besykjen wurdich is.’’

Intussen zijn er binnen het innovatietraject ook al de nodige stappen gezet. Kun je aangeven wat er nu al is gerealiseerd?
„Wy binne drok dwaande. Der is bygelyks in nije website lansearre. Dêr ha wy in protte positive reaksjes op krigen. Wy ha ek regiocoaches oansteld, dy’t regio’s mei elkoar ferbine en ferienings helpe. De wurkgroep Materiaal is drok dwaande mei it testen fan in nije want. Wy binne dêr posityf oer, mar de want moat him noch al bewize. HB-lid Bouwe Stiemsma sil ynkoarten mear fertelle oer dit trajekt . HB-lid Hille Saakstra komt fan’t simmer ek oan it wurd oer de wedstrydaginda, nije kompetysjefoarmen en trenings en opliedings.’’

Wat zou je de kaatswereld tot slot nog willen meegeven?
„Eltsenien fynt wat fan ús keatsen. Dat soarget foar diskusjes en makket minsken emosjoneel. Dat toant ek de belutsenheid. Ik bin fan miening dat der yn de keatswrâld – sawol op ‘e regiobyienkomsten as op ‘e ledegearkomste – in positive sfear hearsket. Dat hat te krijen mei de wize wêrop wy der mei ús allen – bestjoerders en ferienings – yn stean. Ik soe al ús leden foaral oproppe wolle fan’t neijier de enkête yn te foljen en op dy wize mei te tinken oer de takomst fan it keatsen.’’